Ongi etorri Etxarriko Kanpinera

ETXARRI KANPINEKO IGERILEKUA

Covid19aren aurkako PROTOKOLOA

Dokumentu hau Etxarri kanpineko igerilekuaren funtzionamendurako gida izango da, Covid-19 dela eta. Aldian-aldian berrikusiko da, Covid-19k eragindako pandemiaren bilakaeraren eta aplikatu beharreko legediaren arabera.

Eranskin hau autokontrolerako protokoloari gehituko zaio, Covid 19ren harira garatu beharreko jarduerak jasotzeko eranskin espezifiko gisa.

 Eguneratze-data:  2020ko ekainaren 25a

1. SARRERA:

Gaur egungo azterketen arabera, eta birusek eragindako beste arnas infekzio batzuekiko analogiaz, 5 mikra (Flügge) baino gehiagoko arnas jariakinekin kontaktu zuzena izateak eragingo luke birusaren transmisioa. Jariakin horiek pertsona gaixo edo eramaile asintomatiko batek eztula edo doministiku egitean sortzen dira.  Jariakin horiek ez dira airean esekita egoten, eta metro bat edo bi metro artean uzten dira, eta beste pertsona bat infektatu dezakete, baldin eta haren sudurreko, begietako edo ahoko mukosak ukitzen badituzte hurbil egoteagatik edo jariakin horiekin kutsatutako eskuen, gainazalen eta objektuen bidez.

Gainera, eduki birikoa duten jariakin horiek azalera bizigabeetan gera daitezke (barandak, altzariak, eserlekuak, etab.). Autore batzuen arabera, birus karga duten gainazal horietatik koronabirusa gizakiei transmititu ahal izango litzaieke, organismotik kanpo bizirauten duelako. Dena den, oraindik ez da segurtasun osoz jakiten gainazal mota desberdinetan zenbat denbora iraun dezakeen.  

Horregatik, eta gaur egun birusaren aurkako txertorik ez dagoenez, kutsatzea saihesteko modua sintomak ahalik eta lasterren identifikatzea da. Horretarako, Osasun Zentrora deitu behar da kasua isolatzeko eta berarekin kontaktu estuan egon diren pertsonek berrogeialdia egin dezaten. Halaber, urruntze soziala, eskuen garbiketa eta inguruko gainazalen garbiketa eta/edo desinfekzioa ezinbestekoak dira kutsatzea saihesteko.   

Normalizazio Berrirako Trantsiziorako Planaren barruan, 2. fasean, zenbait jolas-jarduera berriz martxan jartzeko baimena eman da,  besteak beste, igerilekuak irekitzeko baimena.  Horiek jarduerari berrekin diezaiokete, baina erabiltzaileen segurtasuna zorrotz zaindu behar dute. Normaltasun berrian gaudenez, baldintzak jasotzen dituen eranskina eguneratu da, NAFARROAKO FORU KOMUNITATEKO IGERILEKUEN OSASUN-ZAINTZAKO 2020KO PROGRAMA osatuz. Eranskin honetan ezarri ez denari dagokionez, urriaren 24ko 86/2018 Foru Dekretuan xedatutakoa beteko da, eta ikuskapen-zerbitzuek edozein unetan egiaztatu ahal izanen dituzte bertan ezarritako baldintzak betetzen direla.  

2. ARAUDIA ETA DOKUMENTAZIOA:

21/2020 Errege Lege Dekretua, ekainaren 9koa, Covid-19k eragindako osasun-krisiari aurre egiteko prebentzio-, euste- eta koordinazio-neurri urgenteei buruzkoa. Nafarroako Gobernuaren Erabakia, 2020ko ekainaren 19koa, Nafarroako Foru Erkidegoa normaltasun berrira sartzea deklaratzen duena eta COVID-19k eragindako osasun-krisiari aurre egiteko beharrezko prebentzio-neurriak ematen dituena, normaltasun berrira igarotzeko Planaren 3. fasea gainditu ondoren. Kontuan hartuko da, halaber, maiatzaren 19ko SND/422/2020 Aginduan ezarritakoa. Agindu horrek arautzen ditu COVID-19k eragindako osasun-krisialdian maskara nahitaez erabiltzeko baldintzak. Informazio gehiago nahi izanez gero, Osasun Ministerioaren COVID-19ren krisiaren ondoren igerilekuetan jarduera berriz irekitzeko gomendioen dokumentua kontsulta daiteke, 2020ko maiatzaren 14koa.

3. EGIN BEHARREKO JARDUERAK:

3.1.- Denboraldia hasi aurretik

3.1.1.- Udalerriko bizilagunen sasoiko bonuak aldez aurretik izapidetzeko sistema informatikoak (google inprimakia) erabiliko dira, harreran pilaketarik egon ez dadin.

3.1.2.- Harrerako sarrerako atean kartelak jarri dira, erabiltzaileek urruntze sozialari eta eskuak garbitzeari eta/edo desinfektatzeari buruz jarraitu beharreko arauei buruzko informazioarekin, eta berariaz adieraziko da Covid 19rekin bateragarriak diren sintomak dituen edozein pertsona ez dela instalaziora sartu behar.

3.1.3.- Instalaziorako sarbidea edukiera osoaren % 75eko gehieneko edukierarekin diseinatu da, betiere erabiltzaileen arteko gutxieneko segurtasun-distantzia 1,5 metrokoa bada.

Kartel bidez adieraziko da instalazioko eremu bakoitzaren edukiera.

Gehieneko edukiera, %75ean, 438 pertsonakoa da berdegunean, 175 pertsonakoa igerileku handian, eta 41 pertsonakoa txipli-txapla egiteko igerilekuan.

3.1.4- Igerilekuko berdegunean markak jarri dira lurrean –marra zuriak–, elkarrekin bizi ez diren erabiltzaileen artean pertsonen arteko segurtasun-tartea egon dadin. "Partzelak" mugatuko dira bikote, familia eta 25 pertsonatik beherako taldeentzat. Plano eskematikoan adieraziko da non dauden eremu horiek.

Era berean, sarrerako eta irteerako korridoreak markatu dira, eta distantzia fisikoa mantentzea ezinezkoa bada, musukoa erabiliko da, SND/422/2020 aginduan ezarritako baldintzen arabera.

Objektu pertsonal guztiek, hala nola eskuoihalek, ezarritako perimetroaren barruan egon behar dute, gainerako erabiltzaileekin kontakturik izan gabe.

Igerilekuko ontziaren edukiera kontrolatzeko, sorosleek behar diren baliabideak izango dituzte erabiltzaileak eskuz zenbatzeko, beharrezkoa denean. Aforoa gainditzen bada, erabiltzaile batzuk bertatik irtetera itxoin behar izango da erabiltzaile berriak sartu ahal izateko.

Berdegunearen edukiera kontrolatzeko, APP bat (appforo) instalatu da, sarrerak batu eta irteerak kentzeko eta uneoro bertaratutako pertsonen kopurua jakiteko. Erabiltzaileek sakelako telefonoetan deskarga dezakete app hori, eta edozein lekutatik jakin dezakete Etxarri Aranazko igerilekuan tokirik dagoen ala ez.

Oraingoz ez da beharrezkotzat jotzen txanda-sistema bat ezartzea, ezta aldez aurretik erreserbak egitea ere.

3.5.- Instalazioaren sarreran eskuak desinfektatzeko sistemak egongo dira, Osasun Ministerioak baimendutako desinfektatzaile biruzidak, alegia. 

3.6.- Komun eta aldageletan xaboi likidoa eta baimendutako gel hidroalkoholiko biruzidak egongo dira erabiltzaileen eskura. Eskuko lehorgailuak deskonektatu ditugu.

3.7.- Igerilekuko berdegunean dauden piknik-eko mahaiak erabilera publikotik kendu dira. Halaber, Txiki Txoko izeneko espazioaren aforoa mugatuko da. Oroitarazten dugu haurrak gurasoen ardura direla.

3.8.- 8 urtetik beherako haurrek heldu batekin egon behar dute beti, eta familia-unitatearen espazioan. Espazio horretatik kanpo, distantzia sozialari eutsiko diote, eta debekatuta dago plisti-plasta aritzeko ontzietan helduen zaintzapean ez dauden haurrak egotea.

3.9.- Instalazioko langileek, ahal den neurrian, erabiltzaileek segurtasuneko distantzia fisikoa errespetatzen dutela egiaztatuko dute. Objektu pertsonal guztiek, hala nola eskuoihalek, poltsek eta abarrek, ezarritako 1,5 metroko segurtasun-perimetroaren barruan egon behar dute, gainerako erabiltzaileekin kontakturik izan gabe.

3.10.- Garbiketa

3.10.1.- Instalazioa egunero garbitu eta desinfektatuko da produktu biruzidarekin, bai eta haur parkeak eta jolas eremuak ere.  

3.10.2.- Erabiltzaileek eskuekin maiz ukitzen dituzten gainazalak, hala nola sarrerako ateetako heldulekuak, aldagelak, barandak, haur-oihalak aldatzeko apalak, ur-iturriak, kanpoko banku, mahai eta aulkiak, txorrotak eta partekatzen den beste edozein material, hiru aldiz garbitu eta desinfektatuko dira egunean, produktu biruzidekin.

3.10.3.- Zerbitzu-lokal, dutxa eta aldageletan ateak eta leihoak irekita utziko dira, aireztapena bermatzeko.

3.10.4.- Behatu beharreko higiene- eta prebentzio-arauak gogoraraziko zaizkie erabiltzaileei ikusteko moduko kartelen bidez eta COVID-19rekin bateragarria den edozein sintoma izanez gero instalazioa utzi behar dela adieraziko zaie.

4. Jarduteko protokoloa, langile edo bezero batek COVID-19rekin bateragarria den sintomatologia baldin badu.

Prebentzioari dagokionez, kontuan izan behar da COVID-19k oinarrizko sintomatologia hau duela:

Covid-19ren sintomak eztula, sukarra eta arnasteko zailtasuna dira, batez ere, eta giharretako eta buruko mina kasu batzuetan. 

Nola jokatu?

Pertsona bat (langilea edo bezeroa) gaixotasunarekin bateragarriak diren sintomak izaten hasten bada, Etxarri kanpineko Zuzendaritzari jakinaraziko zaio, eta berehala jarriko da harremanetan osasun-zentroarekin.

Kanpinak bungalow, txabola, mobil-home, etab. motako bizitoki bat prest izango du sintomak dituen pertsona isolatuta egon dadin, edo, halakorik ez badu, behar bezala isolatutako eta urrundutako gune bat. Gaixoa erabilera indibidualeko gela batean egongo da, leihoa irekita eta atea itxita. Ahal bada, banakako komuna ere izango du. Isolatutako pertsonarekin etengabeko komunikazioa mantenduko da telefono bidez.

Sintomak dituen pertsonak aire faltaren sentsazioa edo beste edozein sintoma dela-eta larritasun-sentsazioa badu, 112 zenbakira deituko da. Osasun-agintaritza eskudunarekin harremanetan jarri ondoren, haien jarraibideen arabera jokatuko da.